Adadin 'Yan Rohingya dake Kwarara Bangaladash Na Karuwa

Majalisar Dinkin Duniya ta ce adadin 'yan rohingya dake kwarara zuwa kasar Bangaladash ya soma karuwa a 'yan kwanakin baya bayan nan.

Jami'an tsaro iyaka na Bangaladash sun shidawa masu aiko da rahotanni cewa, a ko wacce rana ta Allah akwai 'yan Rohingya 4,000 zuwa 5,000 dake tsallakawa cikin kasar.

Wasu bayanai na daban sun ce a kasar Myammar da akwai kimanin musulmin na Rohingya sama da 10,000 da suka taru a wani waje dake kaiwa cikin kasar ta Bangadash.

A karon farko dai tun bayan sonma rikicin wata tawagar kasa da kasa da wakilan MDD da kuma jakadun kasashen ketare sun samu isa a yankin Arakan inda rikicin ya yi kamari.