Nutsewar Jirgin Ruwa Ya Yi Ajalin 'Yan Rohingya 12

A kalla 'yan gudun hijira Rohingya 12 ne suka rasa rayukansu kana wasu gommai suka bata a yayin nutsewar jirgin ruwan da suke ciki a kokarin tsallalawa kasar Bangaladesh.

Jami'an tsaron gabar ruwa sun ce kimanin mutane dari ne ke cikin jirgin wadanda suka hada da manya da yara.

Bayanan sun ce an kai ga tsamo gawarwakin yara 12 da wata mata da kuma wani namiji guda.

Hadarin dai ya auku ne da yammcin jiya Lahadi a kauyen Galashar  a mashigar ruwa Bengale dake kusa da kogin Naf da ya raba kasar Myanmar da Bangaladesh.

Yau kusan makwanni kenan da 'yan kabilar Rohingya galibi musulmi ke tururuwa ta ko wanne irin hali zuwa Bangaladesh don tsira da rayukansu a kisan kiyashin da jami'an tsaro da 'yan addinin Buda ke yi musu a kasar ta Myanmar.