Amurka Ta Yi Wa Gwamnatin Palasdinawa Barazanar Dakatar Da Taimakon Kudi

Shugaban kasar Amurka Donald Trump ne ya yi wa palasdinawan barazanar saboda sun ki amincewa da shirin mika wuya ga haramtacciyar kasar Isra'ila

Trump ya rubuta a shafinsa na Twitter cewa: "Ba kasar Pakistan ba ce kadai wacce take karbar biliyoyin daloli daga fadar White ba tare da wani abu ba, kasashe da wasu daidaikun mutane ma suna karba. Ga misali a kowace shekara Amurkan na bai wa Palasdinawa miliyoyin daloli, amma ba su yin godiya."

Bugu da kari Trump ya ce; Me zai sa Amurka ta ci gaba da bai wa Palsdinawa wadannan makudan kudaden.

Ita ma jakadiyar Amurka a Majalisar Dinkin Duniya Nikki Haley ta ce; matukar Palasdinawa ba su koma kan teburin tattaunawa ba to Amurka ta daina taimaka musu