MDD:An Fitar Da Fararen Hula Dubu 45 Daga Yankin Ghouta

Majalisar Dinkin Duniya ta bayyana cewa a cikin 'yan kwanakin nan, an fitar da fararen hula dubu 45 daya yankin Ghouta ta gabas a Siriya

Kamfanin dillancin labaran Reuteus ya habarta cewa Majalisar dinkin Duniya ta fitar da wani rahoto game da halin da yankin Ghouta ta gabas a Siriya ke ciki, inda ta ce a cikin kwanakin baya-bayan nan an fitar da fararen hula dubu 45 daga yankin.

A nasa bangare, Asusun dake kula da kananen yara na MDD Unicef a jiya talata ya sanar da cewa kashi 70% na mutanan da aka fitar daya yankin Ghouta Mata da kananen yara ne, kuma mafi yawa daga cikin yaran suna fama da rashin lafiyar gudawa da kuma matsalar limfashi.

A watan da ya gabata, kungiyoyin 'yan ta'adda da suka tare a yankin Ghouta dake gabashin Damuscus na Siriya suka yi ta harba  makamai masu linzami kan fararen hula  a Damuscus, lamarin da yayi sanadiyar mutuwa da kuma jikkata wani adadi mai yawa daga cikinsu, kuma hakan  ya sanya gwamnatin ta Siriya daukan matakin  kakkabe su daga yankin.