An Fuskanci Koma Baya A Yaki Da Cutar Maleria

Yau 25 ga watan Afrilu, duniya ke bukin ranar yaki da cutar zazzabin cizon sauro ko Maleria.

Saidai bukin na bana ya zo a daidai lokacin da masana ke cewa an fuskanci koma baya a yaki da cutar, a 'yan shekaru uku da suka gabata.

Cutar da maleria dai ta fi kamari ne a kasashen nahiyar Afrika da kuma Asiya, kuma mafi yawa ta fi gallazawa yara da mata.

A taron da aka gudanar a birnin Landan a makon da ya gabata, kwararu sun bayyana dalilan habakar cutar da rashin ingancin magungunnan da ake warkar da ita da kuma yadda magungunan ke rage kayfiyarsu.