Զարիֆ.«ԱՄՆ-ի այսպես կոչված ահաբեկչության դեմ պայքարը ավելի քան 500 հազար մարդու կյանք է խլել»
Նոյեմբեր 09, 2018 17:52 Asia/Tehran
Իրանի իսլամական հանրապետության ԱԳ նախարարը գրել է.«ԱՄՆ-ի այսպես կոչված ահաբեկչության դեմ պայքարը ավելի քան 500 հազար մարդու կյանք է խլել»:
Ուրբաթ օրը Twitter-ի իր էջում Մոհամմադ Ջավադ Զարիֆը հստակեցրել է.«Միայն 2016 թվականից ի վեր, այսպես կոչված ԱՄՆ-ի ահաբեկչության դեմ պայքարը խլել է 110 հազար մարդու կյանք»:
Իրանի ԱԳ նախարարը նշել է.«ԱՄՆ-ի քայլերի արդյունքում ավերածություններ են եղել Իրաքում, Սիրիայում , Լիբիայում ու Եմենում և ձևավորվել են ԻԼԻՊ ահաբեկչական խմբավորումն ու Ալ-Ղաիդային կապված բազմաթիվ խմբեր»:
«ԱՄՆ-ի այսպես կոչված ահաբեկչության դեմ պայքարը ծանր ծախսեր է պարտադրել ամերիկացի հարկատուներին, սպանվել է յոթ հազար ամերիկացի, իսկ ծախսված գումարը կազմել է ավելի քան հինգ տրիլիոն 600 միլիարդ դոլար». Twitter- ի իր էջում գրել է Զարիֆը: