ԻԻՀ ԱԳ նախարարը հակադարձեց Թեհրանի դեմ Պոմպեոյի հայտարարություններին
ԻԻՀ ԱԳ նախարարն արձագանքեց Իրանի կողմից ՄԱԿ-ի ԱԽ-ի թիվ 2231 բանաձևը ոտնահարվելու մասին ԱՄՆ պետքարտուղարի հայտարարությանը:
ԻՌՆԱ-ի կիրակի գիշեր կատարած հաղորդման համաձայն, Մոհամմեդ Ջավադ Զարիֆն ասաց. «ԱՄՆ-ն Իրանին մեղադրում է ՄԱԿ-ի ԱԽ-ի թիվ 2231 բանաձևը ոտնահարելու մեջ, ինչը ինքն է ոտնահարել և ուրիշներին սպառնում է, որ դրան հավատարիմ մնալու դեպքում պատժվելու են»:
ԻԻՀ ԱԳ նախարարն անդրադառնալով այն կետին, որ ԱՄՆ-ն ՄԱԿ-ի ԱԽ-ի բանաձևերի հարցում անկեղծություն չի ցուցաբերում, հավելեց. «Պատրանքներով տարվելն այսօր սովորական երևույթ է դարձել ԱՄՆ-ի պետքարտուղարության մոտ»:
ԱՄՆ պետքարտուղար Մայք Պոմպեոն հայտարարել էր, որ Իրանի հրթիռային փորձարկումները ոտնահարել են ՄԱԿ-ի ԱԽ-ի թիվ 2231 բանաձևը:
ԻԻՀ ԱԳ նախարար Մոհամմեդ Ջավադ Զարիֆը կիրակի օրն անդրադառնալով Եմենում ահաբեկչական խմբերի համար արևմտյան սպառազինություն առաքվելու մասին հրապարակված հաղորդումներին, ասաց. «Վաշինգտոնը ցանկանում է տարածաշրջանում անկայունությունը մշտական դարձնել ու այդպիսով արդարացնել իր քաղաքականությունները»:
«Գարդիան»-ը հրապարակել է «Թուիթեր»-ում արված Զարիֆի գրառումը. «Սպառազինական, տեղեկատվական ու լոգեստիկական աջակցության միջոցով սաուդցիների ու Էմիրությունների պատերազմական ոճրագործություններին մասնակցությունը կարծես թե բավարար չէր և հիմա ԱՄՆ-ն արդիական սպառազինություն է տրամադրում Ալ-Ղաիդայի ու ԻԼԻՊ-ի նման ծայրահեղականներին»: