Իրանը և Ռուսաստանը կարևորում են ահաբեկչության դեմ պայքարի և պաշտպանական ոլորտներում համագործակցության շարունակումը
Իրանի Իսլամական Հեղափոխության Պահապանների Կորպուսի կոորդինատորի և Ռուսաստանի Զինված ուժերի գլխավոր շտաբի պետի տեղակալները ընդգծել են ահաբեկչության դեմ պայքարի և պաշտպանական տարբեր ոլորտներում համագործակցությունը շարունակելու անհրաժեշտությունը:
Ինչպես հաղորդում է Իրանի ռադիո-հեռուստատեսության լրատվական գործակալությունը, չորեքշաբթի օրը Թեհրանում տեղի է ունեցել Իրանի Իսլամական Հեղափոխության Պահապանների Կորպուսի կոորդինատորի տեղակալ, գեներալ Ալի Ֆադավիի և Ռուսաստանի Զինված ուժերի գլխավոր շտաբի պետի տեղակալ Իգոր Օսիպովի հանդիպումը:
Հանդիպման ժամանակ կողմերը մտքեր են փոխանակել անվտանգության, արդյունաբերության ,հետազոտության ու կրթության ոլորտներում համագործակցություններն ընդլայնելու շուրջ:
Գեներալ Ֆադավին և Օսիպովն ընդգծել են սպառնալիքներին ու վերտարածաշրջանային ուժերի սադրիչ քաղաքականություններին դիմակայելու և տարածաշրջանում խաղաղություն ու անվտանգություն հաստատելու անհրաժեշտությունը:
Իգոր Օսիպովը Թեհրանում հանդիպել է Իրանի Զինված ուժերի գլխավոր շտաբի պետ Մոհամմեդ Բաղերիի , Բանակի ռազմածովային ուժերի հրամանատար, դերծովակալ Հոսեյն Խանզադիի և Իրանի պաշտպանության ու Զինված ուժերի աջակցման նախարարի տեղակալ Ղասեմ Թաղիզադեի հետ: