Զարիֆն արձագանքել է Շրի Լանկայում տեղի ունեցած պայթյուններին.«Ահաբեկչությունը համաշխարհային վտանգ է»
Դատապարտելով Շրի Լանկայում տեղի ունեցած ահաբեկչական հարձակումները, Իրանի ԱԳ նախարար Մոհամմադ Ջավադ Զարիֆը ցավակցություն է հայտնել այդ երկրի կառավարությանը, ժողովրդին և զոհերի ընտանիքներին:
Իրանի ԱԳ նախարար Մոհամմադ Ջավադ Զարիֆը կիրակի օրը Twitter սոցիալական ցանցի իր էջում գրել է.«Ահաբեկչությունը համաշխարհային վտանգ է, որը կրոն չունի, հետևաբար ողջ աշխարհը պետք է դատապարտի այն ու դրա դեմ պայքար մղի»:
Կիրակի օրը, Շրի Լանկայի մի քանի քաղաքներում ուժգին պայթյուններ են որոտացել:
Պայթյուններ են որոտացել Շրի Լանկայի խոշորագույն քաղաք Կոլոմբոյի երեք հյուրանոցներում: Կոլոմբոյում ևս մեկ պայթյուն է տեղի ունեցել Սուրբ Անտոնիա եկեղեցում, որտեղ զբոսաշրջիկները հաճախ են այցելում: Երկու այլ եկեղեցիները, որոնք տուժել են պայթյունների հետևանքով, գտնվում են Կոլոմբոյի հյուսիսային Նեգոմբո, և արևելյան Բաթիքալոա քաղաքներում:
Պայթյունների հետևանքով զոհվել է 170 և վիրավորվել ավելի քան 400 մարդ:
Շրի Լանկայում ահաբեկչական հարձակումները տեղի են ունեցել Սուրբ Զատկի տոնակատարության ժամանակ:Դեռևս ոչ մի անձ կամ խումբ իր վրա չի վերցրել այդ ահաբեկչական հարձակումների պատասխանատվությունը:
Շրի Լանկայի վարչապետ Ռանիլ Վիկրամասնիգհեն ՄԱԿ-ի Ավնտանգության խորհրդին կոչ է արել արտահերթ նիստ անցկացնել այդ կապակցությամբ:
