Իրանի ԱԳ նախարար. Սուլեյմանիի նահատակությունն ավելի կամրացնի դիմադրության դիրքերը
ԻԻՀ ԱԳ նախարարը հայտարարել է, որ Բաղդադի օդանավակայանի դեմ ԱՄՆ-ի իրականացրած հարձակման հետևանքով Ղասեմ Սուլեյմանիի նահատակությունն ավելի կամրապնդի տարածաշրջանում ու աշխարհում դիմադրության ծառի արմատները:
ԻՀՊԿ Ղոդս ստորաբաժանման հրամանատար, գեներալ-մայոր Ղասեմ Սուլեյմանին, նահատակվեց ուրբաթ օրը Բաղդադի իրաքյան օդանավակայանի դեմ ԱՄՆ-ի ահաբեկչական ուժերի կողմից իրականացված օդային հարձակման արդյունքում:
Այսօր առավոտյան, Մուհամամդ Ջավադ Զարիֆը դատապարտել է ԱՄՆ-ի հարձակումը, նշելով. «ԱՄՆ-ի ահաբեկիչ ուժերի կողմից հերոս և ահաբեկչության ու ծայրահեղության դեմ պայքարի առաջամարտիկ գեներալ Սուլայմանիի սպանությունն անկասկած ավելի կամրացնի տարածաշրջանում ու աշխարհում դիմադրության ծառի արմատները»:
Զարիֆը հավելել է. «Իրանի Իսլամական Հանրապետության արտաքին գործերի նախարարությունը կօգտագործի իր քաղաքական, իրավական և միջազգային բոլոր հնարավորությունները` Ազգային անվտանգության բարձրագույն խորհրդի որոշումները գործադրելու և այս հանցագործության համար ԱՄՆ-ի հանցավոր և ահաբեկչական ռեժիմին պատասխանատվության ենթարկելու համար»:
ԻԻՀ ԱԳ նախարարն իր թվիթերյան էջում գրել է. «Վաշինգտոնը պատասխանատու է իր արկածախնդրության հետևանքների համար»:
Նա նշել է, որ ԱՄՆ-ի կողմից ԻԼԻՊ-, Ալ Նուսրայի ճակատի ու Ալ Ղաիդայի դեմ պայքարի ամենաազդեցիկ դեմքերից մեկին սպանելու քայլը շատ վտանգավոր էր և լարվածությունը սրելուն ուղղված հիմար քայլ:
