Զարիֆ. Իրանի քաղաքականությունը հիմնված է տարածաշրջանային երկխոսության ու դիվանագիտության վրա
«Իրանի քաղաքականությունը հիմնված է դիվանագիտության, բարիդրացիական հարաբերությունների և տարածաշրջանային երկխոսության վրա», - հայտարարել է ԻԻՀ ԱԳ նախարարը:
Ողջունելով Քուվեյթի կառավարության կողմից ներկայացված Պարսից ծոցի հուշագիրն Իրանի ԱԳ նախարարը Թվիթերում գրել է.:«Իրանը ողջունում է Պարսից ծոցի համաձայնագիրը»:
Նա հույս է հայտնել, որ հարաբերությունների կարգավորումը կօգնի Արևմտյան Ասիայի տարածաշրջանի բոլոր երկրների քաղաքական և տնտեսական կայունությանը և զարգացմանը:
Քուվեյթի արտաքին գործերի նախարար Ահմեդ Նասեր Մուհամեդ ալ-Սաբահն ուրբաթ օրը հայտարարել էր, որ Պարսից ծոցի ափամերձ երկրների հարաբերությունների կարգավորման ուղղությամբ դրական բանակցություններ են տեղի ունեցել:
2017-ի հունիսի 5-ին՝ Կատարին մեղադրելով ահաբեկչությանը սատարելու մեջ, Սաուդյան Արաբիան, Բահրեյնը, ԱՄԷ-ն և Եգիպտոսը խզեցին կապերը Դոհայի հետ և փակեցին այդ երկրի հետ իրենց ցամաքային, ծովային և օդային սահմանները: