Իսլամական հեղափոխության մեծարգո առաջնորդն այցելել է լուսահոգի Իմամ Խոմեյնիի դամբարան և նահատակների գերեզմանատուն
Իսլամական հեղափոխության հաղթանակի 42-րդ տարեդարձին ընդառաջ, Ֆաջրի տասնօրյակի առաջին օրը, Իսլամական հեղափոխության մեծարգո առաջնորդ Այաթոլլահ Խամենեին այցելել է լուսահոգի Իմամ Խոմեյնիի դամբարան և աղթելով ու նամազ անելով, հարգել է նրա վեհ հիշատակը:
Իսլամական հեղափոխության մեծարգո առաջնորդը նաև այցելել է նահատակներ Բեհեշթիի, Ռաջայիի, Բահոնարի և 1981 թվականի հունիսի 28-ի դեպքի նահատակների շիրիմներին և բարձրյալն Աստծուց հայցել, որ նրանց հոգիները լույսերի մեջ լինեն:
Ն.Վ. առաջնորդն այցելել է նաև նահատակների գերեզմանատուն և ողջունել Իրանի ու իսլամի պաշտպանների սրբազան հոգիներին:
Հունվարի 31-ին Իրանի իսլամական հեղափոխության հաղթանակի՝ «Ֆաջրի տասնօրյակ»-ի սկիզբն է:
42 տարի առաջ, 1979 թվականի փետրվարի 1-ին (իրանական բահման ամսի 12-ին), ԻԻՀ մեծ հիմնադիր Իմամ Խոմեյնին, 15 տարի աքսորում և հայրենիքից հեռու մնալուց հետո, ժամանեց Իրան:
Իմամի՝ Իրան մուտք գործելուց 10 օր անց, փետրվարի 11-ին, Իրանի իսլամական փառահեղ հեղափոխությունը հաղթանակեց:
Ուստի ամեն տարի, իրանական բահման ամսի 12-ից՝ իմամ Խոմեյնու Իրան ժամանելու օրից 22-ն ընկած տասնօրյակն անվանվել է Իրանի իսլամական հեղափոխության «Այգաբացի տասնօրյակ» կամ «Ֆաջրի տասնօրյակ» և ամեն տարի այդ օրերին, Իրանում տեղի են ունենում տոնական միջոցառումներ:
Այս տարի, կորոնավիրուսի պանդեմիայի պատճառով, միջոցառումը տեղի կունենա ստեղծագործական հատուկ ծրագրերի իրականացմամբ:
