Իրանի բանակ. Մշտապես պաշտպանելու ենք երկրի անվտանգությունն ու տարածքային ամբողջականությունը սպառնալիքներից
ԻԻՀ բանակի հրամանատարի համակարգող տեղակալ ծովակալ Հաբիբոլլահ Սայարին ասել է.«Մշտապես պաշտպանելու ենք երկրի անվտանգությունն ու տարածքային ամբողջականությունը սպառնալիքներից»:
ԻՌՆԱ լրատվական գործակալության հաղորդման համաձայն, կիրակի օրը, զինվորների վերապատրաստման «Սաջադ և Սամա» անունով համակարգերի բացման արարողության ժամանակ, ծովակալ Հաբիբոլլահ Սայարին ասել է.«Բանակը, որպես ճգնաժամային իրավիճակների համար գործուն տղամարդկանց դաստիարակման օրրան, ցանկացած պայմանում իրականացնում է իր առաքելությունը»:
ԻԻՀ բանակի հրամանատարի համակարգող տեղակալը նշել է, որ այս նախագծերի մշակումը և արտադրությունն իրականացվել է տեղական մակարդակով և բանակի ուսուցման համակարգն ավելի արդյունավետ դարձնելու համար:
Անդրադառնալով մարտունակության բարձրացման նշանակությանը, ծովակալ Հաբիբոլլահ Սայարին ասել է.«Սարքավորումների արդիականացումը և մարտունակության բարձրացումը հնարավոր կլինի անհրաժեշտ դասընթացների և ժամանակակից տեխնոլոգիաների օգտագործման միջոցով»:
