Իրանի բանակի հրամանատար. Ապագա պատերազմները լինելու են ցանցային
Իրանի Իսլամական Հանրապետության բանակի հրամանատարը հայտարարել է, որ ապագա պատերազմները լինելու են ցանցային: Նա հավելել է. «Իրանի բանակի ցամաքային ուժերի տեխնիկան ու սպառազինությունը ցանցային են ու խելացի»։
Iran Press-ի հաղորդման համաձայն, ԻԻՀ բանակի հրամանատար, բրիգադային գեներալ Քիոմարս Հեյդարին «Զոլֆաղար-1400» համատեղ զորավարժության շրջանակներում լրագրողներին ասել է.«Այս զորավարժության ընթացքում բանակի ցամաքային ուժերը կարողացել են լավագույն ձևով իրականացնել ռազմավարական և մարտավարական առաջադրանքները»:
Իրանի բանակի ցամաքային զորքերի հրամանատարը հավելել է. «Ցամաքային զորքերը երեք փուլով մտել են զորավարժություններ և իրականացրել երեք շատ ծանր գործողություն»։
Բրիգադային գեներալ Հեյդարին նշել է, որ բանակի համատեղ զորավարժություններում «երկիր-օդ» հրթիռների կիրառումը բանակի ցամաքային զորքերի գործողության կարևորագույն քայլերից է։
Նա հավելել է.«Բանակային տեխնիկան կարողացել է թիրախավորել թիրախները, իսկ հեռահար և ռազմավարական անօդաչու սարքերը կարողացել են խոցել նշանակված թիրախները»:
