ԻԻՀ բանակի ռազմաօդային ուժերի հրամանատար. Նավթի տանկերի առգրավումը մեծ հարված էր ԱՄՆ-ին
Իրանի Իսլամական Հանրապետության բանակի ռազմաօդային ուժերի հրամանատարը հայտարարել է. «Նավթային տանկերի առգրավումը մեծ ապտակ էր Միացյալ Նահանգներին»։
ԻՌՆԱ-ի հաղորդման համաձայն, Բրիգադային գեներալ Յուսեֆ Ղորբանին հայտարարել է, որ Իրանի Իսլամական Հանրապետությունը անվիճելի ուժ է համաշխարհային ռազմական դոկտրինում, հավելելով.«Տանկերի առգրավումն ուժեղ ապտակ էր Միացյալ Նահանգներին»:
Բրիգադային գեներալ Յուսեֆ Ղորբանին հավելել է. «Աշխարհն առանց Իրանի ռազմավարություն չի մշակի: Նրանք առաջին հերթին կնայեն Իսլամական Հանրապետության կանխարգելիչ ուժին»:
Նա ասել է.«Սիոնիստական ռեժիմը ցանկացած պահի դավադրություն է կազմակերպում Իրանի Իսլամական Հանրապետության դեմ, բայց նվազագույն սխաի դեպքում, այդ ռեժիմը հողին կհավասարեցվի»։
Օրերս ԱՄՆ ռազմածովային ուժերն Օմանի ծովի ջրերում առգրավել էին իրանական նավթ տեղափոխող լցանավը և նավթը տեղափոխելով մեկ այլ լցանավ, փորձել այն տեղափոխել անհայտ ուղղությամբ: