Ամիր Աբդուլլահյան. Պատժամիջոցների վերացումը կհանգեցնի տարածաշրջանային համագործակցության մեջ Իրանի ներկայության ուժեղացմանը
Իրանի ԱԳ նախարարն ասել է.«Պատժամիջոցների վերացումը և Իրանի իրավունքների պաշտպանությունը, ի լրումն տնտեսական և հումանիտար դրական հետևանքների, անկասկած կհանգեցնի Իսլամական Հանրապետության ավելի ուժեղ և արդյունավետ ներկայությանը տարածաշրջանային համագործակցության ներառյալ «Այուրա»-ի մեջ»:
Իրանի ԱԳ նախարար Հոսեյն Ամիր Աբդոլլահյանը հինգշաբթի օրը Հնդկական օվկիանոսի ափամերձ երկրների միության (Այուրա) նախարարների խորհրդի 22-րդ նիստում, որը հյուրընկալվել էր Բանգլադեշում տեսակապի ձևաչափով, գոհունակություն է հայտնել հանդիպմանը մասնակցելու համար: Նա հավելել է.«Ավելի քան երկու տասնամյակ գործունեությունը և համագործակցությունը «Այուրա»-ի տեսքով, ցույց է տվել միության ներուժը՝ տնտեսական համագործակցության ոլորտում»։
Իրանի ԱԳ նախարարը հստակեցրել է.«Իրանի Իսլամական Հանրապետությունը գիտակցում է տարածաշրջանային համագործակցության մեծ ներուժը և հաստատակամ է ընդլայնել իր հարաբերությունները Հնդկական օվկիանոսի ափամերձ երկրների հետ»։