Թեհրանի Հայոց թեմի առաջնորդը ցավակցական ուղերձ է հղել իմամ Հոսեյնի նահատակության օրվա կապակցությամբ
Իսլամական մշակույթի և առաջնորդության նախարարության մշակութային աշխատանքների, համագումարների և կազմակերպությունների գերատեսչության նախաձեռնությամբ և Թեհրանի հայոց Թեմի Ազգային իշխանության համագործակցությամբ հուլիսի 19-ին Ազգային առաջնորդարանի դահլիճում կայացավ Աստվածային կրոնների միջև երկխոսության`այս տարվա ընթացքում երկրորդ համագումարը՝«Հավատքը և հասարակության բարօրությունն աստվածային կրոնների տեսանկյունից» խորագրով:
Իրանի պետական հիմնով և Տերունական աղոթքով մեկնարկած միջոցառման ,առաջին դասախոսն էր Թեհրանի հայոց թեմի առաջնորդ Տ.Սեպուհ արք.Սարգսյանը: Թեմակալ առաջնորդի դասախոսության հիմնական թեման էր` «Հավատքը և հավատքի դերը ընտանեկան կյանքի կազմավորման մեջ»:
Հանդիպմանն ունեցած ելույթում, Թեհրանի Հայոց թեմի առաջնորդը Սեպուհ արք. Սարգսյանը ոգեկոչելով աշխարհի շիաների առաջին իմամ Հոսեյնի հիշատակն ասել է. «Բոլորս տեղյակ ենք, որ Իրանի պատվավոր հասարակությունն այս օրերին հոգեպես պատրաստվում է իմամ Հոսեյնի նահատակության օրվա միջոռառումներին: Այս առիթով մեր ցավակցությունն ենք հայտնում բոլոր ներկաներին՝ իմամ Հոսեյնի նահատակության կապակցությամբ»:
Նա հավելել է. «Այսօր մենք՝ տարբեր կրոնների ներկայացուցիչներս, հավաքվել ենք միասին՝ խոսելու մեր սոցիալական կյանքի խնդիրների մասին, և այս հանդիպումն Իրանում ապրող տարբեր կրոնների ներկայացուցիչների միասնության ամենագեղեցիկ վկայությունն է»։
Անդրադառնալով ընտանիքում հավատքի կարևորությանը, Սարգսյանն ասել է. «Հավատացյալի կյանքը նման է պայքարի, և մենք բոլորս՝ որպես հասարակության անդամներ, պետք է շարունակենք այդ պայքարը։ Մենք պետք է համագործակցությամբ առաջ տանենք այս պայքարը, որպեսզի արժանանանք Աստծու գթությանը»
Նա հավելել է. «Այսօրվա հանդիպումը գեղեցկագույն վկայությունն է Իրանի հասարակության կյանքի, որտեղ իսլամ, քրիստոնյա, հրեա և զրադաշտական, բոլորս միասին հավաքված ենք խորհելու մարդկային կյանքի դժվարությունների մասին: Այսօրվա աշխարհը մարտահրավերներով լի աշխարհ է և մարդկային հասարակությունը պետք է ձեռք- ձեռքի տա՝ պայքարելու այդ մարտահրավերների դեմ»:
Միջոցառմանը ելույթներով հանդես եկան կրոնական ու էթնիկ փոքրամասնությունների հարցերով ԻԻՀ նախագահի խորհրդական Մամուստ Աբդօլսալամ Քարիմին, Իսլամական մշակույյթի և առաջնորդության նախարարության պետական պատասխանատուներ, Իրանում կրոնական փոքրամասնությունների հոգևոր առաջնորդներ, նաև տեսակապի միջոցով այլ երկրներից կրոնագիտության և հասարակական հարցերով փորձագետներ:
Մեկ օրյա համագումարին ,որին ներկա էր Իսլամական մշակույթի և առաջնորդության նախարար Մոհամադ Մեհդի Էսմայիլին, իր ելույթի ընթացքում ընդգծեց .«Իրանը հազարամյա քաղաքակրթություն ունեցող երկիր է, որտեղ բոլոր էթնիկ խմբերն ու կրոնները միասին ապրել են կողք- կողքի»: Նա նշեց, որ այս խաղաղ գոյակցությունը հիմքն է դրել այս երկրի հարուստ մշակույթի և կարևորեց միաստվածային կրոնների միասնականությունը: Նախարարի հավաստմամբ աստվածային բոլոր կրոնները հարգելը համարվում է կարևոր կետ բոլորի համար և խոսքի ազատության պատրվակով աստվածային կրոններից որևէ մեկի սրբություններին անարգելը անընդունելի է: Մենք բոլորս մի մեծ ընտանիքի անդամներ ենք, տարբեր կրոններով և միասին դատապարտում ենք աստվածային կրոնների համոզմունքների դեմ ամեն կարգի անարգանքը»:
