ԵԱՏՄ-ի եւ Իրանի ազատ առեւտրի գոտում ապրանքների մոտ 80%-ը կարող է ազատվել մաքսատուրքից
Եվրասիական տնտեսական միության (ԵԱՏՄ) եւ Իրանի միջեւ կնքված ազատ առեւտրի համաձայնագրի համաձայն՝ առեւտրի գոտում ապրանքների առնվազն 80%-ը կարող է ազատվել մաքսային տուրքերից։
Եվրասիական տնտեսական հանձնաժողովի առեւտրի նախարար Անդրեյ Սլեպնեւն Արեւելյան տնտեսական ֆորումի շրջանակում ասել է,-«Այս հարցը ակտիվորեն քննարկում են կողմերը»:
«Ինչ վերաբերում է սակագնին, որն, ընդհանուր առմամբ, բանակցությունների առանցքային բովանդակությունն է, այսօր մենք քննարկում ենք այն մակարդակում, որ առեւտրի առնվազն 80%-ը պետք է ազատվի մաքսատուրքերից և կարծում ենք, որ կհանգենք շատ ավելի լավ պայմանավորվածությունների, որոնք նախապես քննարկել ենք իրանական կողմի հետ պարամետրերի առումով»,- ասել է Սլեպնեւը:
Հաղորդման համաձայն՝ այս կապակցությամբ բանակցությունների հաջորդ փուլը նախատեսվում է սեպտեմբերի վերջին Մոսկվայում,որտեղ քննարկվելու է Եվրասիական տնտեսական միության և Իրանի միջև ազատ առևտրի գոտու կազմակերպման հարցը։
ԵԱՏՄ-ի անդամ երկրներն են Հայաստանը, Բելառուսը, Ղազախստանը, Ղրղզստանը և Ռուսաստանը։ Միությունն ավելի վաղ ազատ առևտրի պայմանագրեր է կնքել Վիետնամի և Սինգապուրի հետ, ինչպես նաև ժամանակավոր համաձայնագիր Իրանի հետ։
