Ամիր Աբդոլլահյան. Իրանի դեմ Սիոնիստական ռեժիմի նոր գործողության դեպքում՝ պատասխանն ավելի կոշտ է լինելու
Իրանի ԱԳ նախարարը զգուշացրել է, որ եթե Սիոնիստական ռեժիմը նոր քայլեր ձեռնարկի Իսլամական Հանրապետության դեմ, ապա անպայման կստանա շատ կոշտ պատասխան։
Իրանի ԱԳ նախարար Հոսեյն Ամիր Աբդոլլահյանը ՌԴ ԱԳ նախարար Սերգեյ Լավրովի հետ հեռախոսազրույցում բացատրել է Պաղեստինի օկուպացված տարածքներում կոնկրետ թիրախների վրա Իրանի զինված ուժերի ռազմական գործողությունների նպատակները և ընդգծել է. «Այս սահմանափակ գործողությունը ուղղված էր Սիոնիստական ռեժիմին զսպելուն, պատժելուն և զգուշացնելուն, և եթե այս ռեժիմը նոր քայլեր ձեռնարկի ԻԻՀ դեմ, ապա անպայման կբախվի շատ խիստ պատասխանի» :
Դրական գնահատելով Իրանի օրինական գործողությունների վերաբերյալ Ռուսաստանի դիրքորոշումը՝ Ամիր Աբդոլլահյանը կարևոր է համարել Ռուսաստանի դերը Գազայի հատվածում Սիոնիստական ռեժիմի շարունակվող հանցագործությունների դադարեցման և Պաղեստինի դեմ ցեղասպանության ու ագրեսիայի շարունակման և տարածաշրջանում լարվածության աճի կանխման գործում։
Սերգեյ Լավրովը նաև իր ափսոսանքն է հայտնել Դամասկոսում Իրանի դեսպանատան վրա հարձակման ժամանակ Սիոնիստական ռեժիմին դատապարտելու հարցում որոշ երկրների դիրքորոշումների կապակցությամբ: Նա ՄԱԿ-ի Անվտանգության խորհրդի նախորդ նիստում ասել էր, որ կասկած չկա, որ Իրանը կպատասխանի հարձակումներին։ Բացի այդ, այս գործողությունը տեղի է ունեցել պատասխանատու արձագանքի և ինքնազսպման հիման վրա:
Ռուսաստանի ԱԳ նախարարը հույս է հայտնել տարածաշրջանում լարվածության նվազման կապակցությամբ և հավելել, որ Ռուսաստանը խստորեն կպաշտպանի և կաջակցի Իրանի՝ օրինական պաշտպանության վրա հիմնված գործողություններն Անվտանգության խորհրդի նիստում։
