Բաղայի․ Հարձակվելով բժշկական կենտրոնների վրա՝ Իսրայելն ապացուցում է, որ չի հարգում միջազգայինն կանոնները
ԻԻՀ ԱԳՆ խոսնակը հայտարարել է․ «Օկուպանտ ռեժիմի կողմից Գազայում, Լիբանանում և Սիրիայում հիվանդանոցների և բժշկական ու օգնության կենտրոնների վրա հարձակումները միջազգային բոլոր կանոնների և նորմերի ակնհայտ խախտում են»:
Iran Press-ի հաղորդմամբ՝ Իսմայիլ Բաղային խստորեն դատապարտել է Սիրիայի և Լիբանանի սահմանամերձ շրջանում Իրանի Կարմիր մահիկի դաշտային հիվանդանոցի վրա Սիոնիստական ռեժիմի հարձակումը և այն որակել որպես ռազմական հանցագործություն։
Նշելով, որ միջազգային օրենքներով արգելված է հիվանդանոցների և բժշկական ու առողջապահական կենտրոնների վրա հարձակումները, Բաղային կոչ է արել իրավասու միջազգային կառույցներին, ներառյալ՝ Կարմիր Խաչի միջազգային կոմիտեին, դատապարտել Սիոնիստական ռեժիմի հանցագործությունը։
Նա ընդգծել է, որ միջազգային հանրությունը պետք է միավորվի՝ Սիոնիստական ռեժիմի հարձակումների հետևանքով վերջին երկու շաբաթվա ընթացքում տեղահան եղած հարյուր հազարավոր լիբանանցիներին օգնելու և Սիոնիստական ռեժիմին պատասխանատվության ենթարկելու համար։
Երեկ երեկոյան, Իրանի Կարմիր մահիկի կազմակերպության ղեկավարը ևս հայտարարել է, որ Սիոնիստական ռեժիմի կողմից Սիրիայի և Լիբանանի սահմանին գտնվող 56 մահճակալ ունեցող դաշտային հիվանդանոցի վրա Սիոնիստական ռեժիմի հարձակումը մարդասիրական և միջազգային օրենքների բացահայտ խախտում է։ Նա հայտարարել է, որ կազմակերպությունն այս հանցագործության կապակցությամբ ռեժիմի դեմ բողոք կներկայացնի միջազգային դատարան։
