Իրանի նախագահը կայցելի Մոսկվա
Իրանում ՌԴ դեսպանը հայտարարել է, որ ԻԻՀ նախաագահի ՌԴ կատարելիք այցի գլխավոր առանցքներն են լինելու՝ Սիրիայի իրավիճակի քննարկումը և վիզային ռեժիմի դյուրացման համաձայնության ստորագրումը:
«Սպուտնիկ» լրատվական գործակալությանը տված հարցազրույցում, Լևոն Ճաղարյանը նշել է, որ 2017թ. մարտի վերջին կատարվելիք այցի շրջանակներում Իրանի և Ռուսաստանի նախագահներ՝ Հասան Ռոհանին և Վլադիմիր Պուտինը քննարկելու են առևտրատնտեսական և քաղաքական երկկողմ հարաբերությունները: այդ մասին հաղորդել է «ԻՌՆԱ» լրատվական գործակալությունը:
Ճաղարյանը նշել է, որ Իրանի նախագահի Ռուսաստան այցի ընթացքում ստորագրվելու են մի շարք պայմանագրեր ու համաձայնագրեր, որոնցից կարևորագույնն առնչվելու է վիզային ռեժիմին, ինչը երկու երկրի զբոսաշրջիկներին թույլ կտա 2017 թվականին առանց վիզայի այցելել մյուս երկիր:
Թեհրանում ՌԴ դեսպանը նշել է, որ կողմերը բանակցելու են նաև տարածաշրջանային հարցերի շուրջ, այդ թվում քննարկելու են Աֆղանստանի, Կասպից ծովի և ղարաբաղյան հակամարտության հետ կապված հարցեր:
Իրան-Ռուսաստան միջուկային նոր համագործակցությունների պայմանագրի մասին Ճաղարյանն ասել է.«2016թ. դեկտեմբերին Թեհրանը Մոսկվային է վճարել Բուշեհր-2 ատոմակայանի կառուցման առաջին կանխավճարը»:
