Թեհրանի ահաբեկչական հարձակումը դատապարտել են աշխարհի ևս մի խումբ երկրներ
Նիդերլանդները, Վենեսուելան, Նիկարագուան, Բոլիվիան, Թունիսը, Էկվադորը, Կիպրոսը, Պաղեստինի իսլամական ջիհադ շարժումը և Բահրեյնի իսլամական Ալ-Վեֆաղ շարժումը դատապարտել են Հոգելույս Իմամ Խոմեյնիի և Իսլամական խորհրդարանի վրա իրականացված ահաբեկչական հարձակումը և իրենց վշտակցությունն են հայտնել Իրանի ժողովրդի հետ:
ԻՌՆԱ-ի հաղորդմամբ` Նիդերլանդների ԱԳ նախարարը իր թուիթերյան ուղերձում գրել է, որ Ամստերդամը դատապարտում է Թեհրանի ահաբեկչական հարձակումը և հետևում է դեպքերի զարգացումները:
Տարածելով մի հաղորդագրություն, Վենեսուելլայի ԱԳ նախարարությունը հայտարարել է, որ այդ երկրի նախագահ Նիկոլաս Մադուրոն Իրանի նախագահ Հասան Ռոհանիին հղած ուղերձում ցավակցություն է հայտնել չորեքշաբթի օրը Թեհրանի ահաբեկչական հարձակման հետևանքով մի խումբ իրանցիների նահատակության կապակցությամբ և իր վշտակցությունն է հայտնել Իրանի ժողովրդի հետ:
Ավելի վաղ ևս մեծ թվով երկրներ ու միջազգային կազմակերպություններ դատապարտել էին չորեքշաբթի օրը Թեհրանում տեղի ունեցած ահաբեկչական հարձակումը: