Այաթոլլահ Ամոլի Լարիջանի.«Մարդու իրավունքների հարցով Իրանին ուղղված մեղադրանքները հիմք չունեն»
Իրանի Դատական իշխանության ղեկավարն ասել է.«Մարդու իրավունքների հարցով Իրանին ուղղված մեղադրանքները և Մոնաֆեղին ահաբեկչական խմբավորման հայտարարություններն անհիմն են»:
Ինչպես հաղորդում է Իրանի ռադիո-հեռուստատեսության լրատվական ծառայությունը, երեքշաբթի օրը Իրանի դատական իշխանության մարդու իրավունքների շտաբի գերագույն խորհրդի 11-րդ նիստից հետո, Այաթոլլահ Սադեղ Ամոլի Լարիջանին նշել է.«Իրանի իսլամական հանրապետությունն անցած 40 տարիների ընթացքում նոր քայլեր է կատարել ժողովրդի իրավունքների վերականգման և մարդու իրավունքների բնագավառում և առաջադեմ օրենքներ է վավերացրել ,ուստի մարդու իրավունքների հարցով Իրանին ուղղված մեղադրանքներն անհիմն են»:
Ամոլի Լարիջանին հստակեցրել է.«Այն դեպքում, երբ Իրանը ամեն տարի ընտրություններ է անցկացնում , իսկ տարածաշրջանի որոշ երկրներ նույնիսկ մեկ անգամ քվերակություն չեն անցկացրել, Իրանն է մեղադրվում մարդու իրավունքների ոտնահարման և մարդու իրավունքների նորմերը չհարգելու մեջ»:
Քննադատելով տարածաշրջանում մարդու իրավունքների հարցերի նկատմամբ իմպերիալիստ երկրների երկստանդարտ մոտեցումը, Իրանի դատական իշխանության ղեկավարն ասել է.«Իրանի իսլամական հանրապետությունը պետք է պատասխանատվության ենթարկի արևմուտքին աշխարհում ու տարածաշրջանում մարդու իրավունքների դեմ քայլերը պաշտպանելու համար»:
Եվրամիության պատասխանատուները գալիք շաբաթ կայցելեն Իրան, որպեսզի մարդու իրավունքների հարցերի վերաբերյալ բանակցեն Իսլամական հանրապետության պաշտոնյաների հետ: