Իրանում կրոնական փոքրամասնություններն ապրում են խաղաղ պայմաններում
Ասորիների համաշխարհային միության գլխավոր քարտուղարն ասել է.«Ասորիները մարդու իրավունքների պաշտպանության հավակնորդների սրտացավության կարիքը չունեն և չեն ընդունում նրանց հոգատարությունը, քանի որ ասորիների համար հոգ են տանում իսլամական հեղափոխությունը և Իրանի իսլամական հանրապետության համակարգը»:
Հինգշաբթի երեկոյան Ուրմիա քաղաքում Արևմտյան Ատրպատականի նահանգապետ Մոհամմեդ Մահդի Շահրիարիի հետ հանդիպմանը, Յունաթան Բեթ Քոլիան հպարտություն է համարել կրոնական փոքրամասնությունների նահատակների տներ իսլամական հեղափոխության մեծարգո առաջնորդի այցելությունն, ասելով. «Կրոնական փոքրամասնությունները, մասնավորապես՝ ասորիներն իրենց չեն առանձնացնում Իրանի ժողովրդից, քանի որ նախքան ԻԻՀ-ի հիմնադիր՝ լուսահոգի Իմամ Խոմեյնիի մուտքն Իրան և իսլամական հեղափոխության ու պարտադրյալ պատերազմի տարիներին, նրանք ԻԻՀ համակարգի համար նահատակներ են տվել»: Այդ մասին հաղորդել է ԻՌՆԱ գործակալությունը:
«Պատմության ընթացքում ասորիները մշտապես Արևմտյան Ատրպատականի նահանգում իրենց մուսուլման եղբայրների հետ խաղաղ գոյակցություն են ունեցել: Այդ մասին է վկայում նահանգում բազմաթիվ եկեցիների առկայությունը».-հավաստիացրել է Ասորիների համաշխարհային միության գլխավոր քարտուղարը:
Արևմտյան Ատրպատականի նահանգապետը հանդիպման ժամանակ նշել է.«Աստվածային կրոնների հետևորդների միջև տարբերություններ չկան: Ժողովրդի տարբեր խավերի գոհունակությունը գերակայություն է և դրա մասին գիտեն նահանգի բոլոր պատասխանատուները»: