Հնդկաստանը չի պաշտպանում ԱՄՆ-ի միակողմանի պատժամիջոցները. Զարիֆ
ԻԻՀ ԱԳ նախարարը երկուշաբթի օրը Նյու Դելիում Հնդկաստանի ԱԳ նախարար Սուշմա Սուարաջի հետ հանդիպումից հետո ասել է. «Հնդկաստանը հստակ հայտարարել է, որ չի պաշտպանելու ԱՄՆ-ի միակողմանի պատժամիջոցները»:
ԻՌՆԱ-ի հաղորդման համաձայն, Մոհամմեդ Ջավադ Զարիֆն ընդգծել է, որ Իրանն ու Հնդկաստանը մտադիր են բոլոր բնագավառներում շարունակել ու ընդլայնել հարաբերությունները: Նա հավելել է. «Այս հանդիպման ժամանակ գննարկվել են այնպիսի հարցե, ինպես՝ նավթի հայտնաբերումն ու նավթային համատեղ նախագծերի իրականացումը, երկու երկրի միջև ուղղակի առևտրի, արտարժութային փոխանակումների, ազգային արժույթի օգտագործման, Իրանի հարավ-արևելքում գտնվող Չաբահարի նավահանգստի, Հյուսիս-հարավ միջանցքի և երկու երկրի միջև տարանցիկային ընդլայնված համագործակցության հարցերը»:
«Միջազգային հանրությունը ցանկանում է պահպանել ՀԳՀԾ-ն»,-հայտարարել է ԻԻՀ ԱԳ նախարարը: Նա գոհունակություն է հայտնել Հնդկաստան կատարած ուղևորության արդյունքների կապակցությամբ:
Զարիֆն ընդգծել է, որ Իրանի առևտրական գործընկերներն էլ պետք է նույն ուղղությունը որդեգրեն: Նրա խոսքերով. «Եթե ԻԻՀ-ն իր գործընկերներից ստանա անհրաժեշտ երաշխիքները, ՀԳՀԾ-ն կկարողանա շարունակել իր գոյությունը»:
ԻԻՀ ԱԳ նախարարը երկուշաբթի առավոտյան քաղաքական ու տնտեսական մի պատվիրակություն գլխավորելով կեկնել էր Նյու Դելի:
Զարիֆի այցը Հնդկաստան տեղի է ունենիւմ ՀԳՀԾ-ից ԱՄՆ-ի դուրս գալուց հետո Իրանի դիվանագիտական ակտիվության շրջանակներում: