Պատժամիջոցներից ԱՄՆ-ի կախվածությունն անվերահսկելի է դարձել. Զարիֆ
ԻԻՀ ԱԳ նախարարը չորեքշաբթի գիշեր հակադարձելով Իրանի դեմ ԱՄՆ-ի նոր պատժամիջոցներին, Թուիթերում կատարած գրառման մեջ նշել է. «Պատժամիջոցների հանդեպ ԱՄՆ-ի կախվածությունն անվերահսկելի է դարձել»:
ԻԻՀ ռադիո-հեռուստատեսության լրատվական գործակալության հաղորդման համաձայն, Մոհամմեդ Ջավադ Զարիֆը նշել է. «Սննդամթերքի ու դեղորայքի ներկրման հարցում գլխավոր դերակատարություն ունեցող իրանական մասնավոր մի բանկ, 8 միջնորդներով մեկ այլ անօրինական թիրախի հետ կապեր ունենալու մեղադրանքով հայտնվել է պատժամիջոցների ցուցակում»:
Երեքշաբթի օրն ԻԻՀ-ի դեմ իր թշնամական քայլերի շրջանակում, ԱՄՆ-ն պատժամիջոցների ցուցակում ներառեց իրանական 20 բանկերի, ընկերությունների ու կառույցների անուններ:
ԱՄՆ գանձապահության նախարարությունը իրանական 20 բանկերին, ընկերություններին ու կառույցներին պատժամիջոցների ցուցակում է ներառել՝ Ընչազուրկների հավաքազորի կազմակերպության և Իսլամական հեղափոխության պահակազորի հետ կապեր ունենալու մեղադրանքով:
ԱՄՆ գանձապահության նախարարության տեղակալ Սիգալ Մանդելքերը վերջերս ընդգծեց, որ Իսլամական հեղափոխության պահակազորի դեմ ավելի շատ քայլեր են ձեռնարկվելու:
Իսլամական հեղափոխության պահակազորը տարածաշրջանում ԱՄՆ-ի աջակցությունը վայելող ահաբեկիչների դեմ պայքարում հիմնական դերակատարություն ունի:
