Մեկնաբանություն - ԵՄ-ն ուժաղացնում է ճնշումը Թուրքիայի վրա և աջակցությունը Հունաստանին
Թուրքիայի կողմից Էգեյան ծովի հունական կղզիների տարածքում նավթի հետախուզական գործողությունները լարվածություն են առաջացրել Հունաստանի և Թուրքիայի միջև: Երկու երկրների միջև ռազմական բախման եզրին, Եվրամիությունը դիրքորոշում է որդեգրել Հունաստանի օգտին և որոշում է ընդունել պատժամիջոցներ կիրառել Անկարայի դեմ:
Եվրամիության արտաքին քաղաքականության ղեկավարը հայտարարել է, որ միությունը պատրաստում է Թուրքիայի նկատմամբ պատժամիջոցներ սահմանել:
ԵՄ արտաքին քաղաքականության ղեկավար Ջոզեֆ Բորելը, Գերմանիայի արտաքին գործերի նախարար Հեյկո Մաասի հետ համատեղ մամուլի ասուլիսում հայտարարել է. «Պատժամիջոցները կարող են ուղղված լինել անհատների, նավերի, Թուրքիայի կողմից եվրոպական նավահանգիստների կիրառոման և տնտեսական ոլորտի դեմ»:
Բորելը և Մաասն ընդգծել են, որ Եվրամիությունը նախ ցանկանում է բանակցությունների միջոցով մեղմել Հունաստանի և Թուրքիայի միջև լարվածությունը:
Միևնույն ժամանակ, Գերմանիայի կանցլեր Անգելա Մերկելն ուրբաթ օրը հայտարարել է, որ ԵՄ անդամ երկրները պարտավորվել են աջակցել Հունաստանին՝ արևելյան Միջերկրական ծովում Թուրքիայի դեմ պայքարում:
Թուրքիայի վրա ԵՄ ճնշման սրումը արժանացել է Անկարայի կտրուկ արձագանքին: Թուրքիայի արտաքին գործերի նախարարությունը ուրբաթ երեկոյան մի հայտարարությամբ դատապարտել է ԵՄ արտաքին քաղաքականության պատասխանատուի կողմից արված հայտարարությունն այն մասին, որ դաշինքը պատրաստվում է պատժամիջոցներ կիրառել Թուրքիայի դեմ:
Թուրքիան և Հունաստանը տարաձայնություն ունեն Միջերկրական ծովի արևելքում բնական գազի պաշարների շուրջ: Հունաստանի հետ սերտ հարաբերություններ ունեցող Կիպրոսի կողմից ՝ տարածաշրջանում գազի պաշարները հետախուզելու և շահագործելու փորձը հանդիպել է թուրքական ընդդիմությանը:
Թուրքիայի կողմից Կիպրոսի ափերին նավթի և գազի հետախուզման հարցը հանգել է Հունաստանի և Թուրքիայի միջև լարվածությանը Միջերկրական ծովի արևելյան հատվածում: Այն տարածքը, որտեղ Թուրքիան զբաղված է հետախուզական գործողություններով, ըստ Աթենքի հայտարարության, գտնվում է Հունաստանի բացառիկ տնտեսական գոտում:
Թուրքիայի նախագահ Ռեջեփ Թայիփ Էրդողանն ի պատասխան Հունաստանի, Կիպրոսի, Իտալիայի և Ֆրանսիայի համատեղ զորավարժությունների, որ տեղի են ունենում Միջերկրական ծովի արևելյան շրջանում, ասել է, որ իր երկիրը չի նահանջի Միջերկրական ծովում նավթի և գազի հայտնաբերման ուղղությամբ տարվող աշխատանքներից:
Արևելյան Միջերկրական ծովում գազի պաշարների հետ կապված Թուրքիայի և ԵՄ որոշ անդամների միջև աճող լարվածությունը հանգել է ԵՄ-ից Անկարայի հեռանալուն և հարաբերությունների լարվածությանը:
2016-ի հուլիսին Թուրքիայում ձախողված հեղաշրջումից հետո, ԵՄ-Թուրքիա հարաբերությունները լարված են: ԵՄ-ի և Թուրքիայի միջև տարաձայնություններն ընդգրկում են ԵՄ անդամակցության գործընթացի կասեցումից մինչև Բրյուսելի սուր քննադատությունները Թուրքիայի ներքին քաղաքականության և քաղաքական համակարգը խորհրդարանականից նախագահականի փոփոխության հետ կապված: Հաշվի առնելով, որ Եվրաիության երկու երկրներ՝ Հունաստանը և Կիպրոսը, անմիջականորեն ներգրավված են Թուրքիայի հետ ծովային գազի պաշարներից որոնման և արդյունահանման ծովային վեճի մեջ, հետևաբար Բրյուսելը պնդում է աջակցել երկու երկրներին:
Ավելի վաղ Եվրամիությունը, Թուրքիայի հետախուզական գործունեությունը «անօրինական» համարելով, նախազգուշացրել է Անկարային, որ եթե հետախուզական գործողությունը չդադարի պատրաստ է «պատշաճ պատասխանել» Անկարային:
