Մեկնաբանություն- ՀԳՀԾ-ի համատեղ հանձնաժողովի նիստը, 4+1 խմբի հույսը և Իրանի սպասելիքները
Երեքշաբթի օրը Վիեննայում կայացավ ՀԳՀԾ-ի համատեղ հանձնաժողովի 18-րդ նիստը:
Համաձայնություն ձեռք բերվեց ձևավորել պատժամիջոցների և միջուկային հարցերի վերաբերյալ երկու աշխատանքային խումբ՝ համապատասխան տեխնիկական խորհրդատվություններ անցկացնելու նպատակով:
Աշխատանքային խմբերը քննարկելու են պատժամիջոցների չեղարկման և միջուկային խնդիրների լուծմանն ուղղված տեխնիկական հարցերը և արդյունքների մասին տեղեկացնելու են համատեղ հանձնաժողովի անդամներին:
ԱՄՆ-ի պատվիրակությունը գտնվում էր Վիեննայի մեկ այլ հյուրանոցում և չէր մասնակցում համատեղ հանձնաժողովի նիստին: Իրանը հայտարարել է, որ պատրաստ չե երկկողմ կամ բազմակողմ բանակցություններ վարել Միացյալ Նահանգների հետ:
Եվրոպայի արտաքին գործողությունների ծառայության գլխավոր քարտուղարի տեղակալ Էնրիկե Մորան ասել է.«Կա միասնություն և ցանկություն` փորձագետների երկու խմբերի հետ համատեղ դիվանագիտական գործընթաց սկսել՝ միջուկային համաձայնության գործադրման և պատժամիջոցների վերացման վերաբերյալ»:
Վիեննայում տեղակայված միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը Թվիթերում գրել է. «Հուսով եմ, որ Վիեննայում ՀԳՀԾ-ի հաջորդ հանդիպումը կլինի Իրանի դեմ ԱՄՆ պատժամիջոցները չեղարկելու գործընթացի սկիզբը»:
ԱՄՆ-ի պետդեպարտամենտի խոսնակ Նեդ Փրայսը հայտարարել է, որ երեքշաբթի օրը Վիեննայում կայացած միջուկային բանակցությունները կառուցողական էին և քայլ դեպի առաջ: Նա հավելել է. «Մեր համար միակ ճանապարհը 2015 թ կնքված միջուկային գործարքին երկկողմ վերադարձն է»:
ՀԳՀԾ-ին վերադառնալու Իրանի դիրքորոշումը ևս պարզ է: Եվ քանի դեռ Վաշինգտոնը չի բավարարել Թեհրանի պահանջները, իրավիճակը կմնա անփոփոխ:
Իրանի արտաքին գործերի փոխնախարար և ՀԳՀԾ-ի համատեղ հանձնաժողովի նիստում Իրանի պատվիրակության նախագահ Սեյեդ Աբբաս Արաղչին ընդգծել է, որ ԱՄՆ պատժամիջոցների վերացումը ՀԳՀԾ-ի վերականգնման առաջին և ամենաանհրաժեշտ քայլն է, իսկ պատժամիջոցների չեղարկումից և Իրանի կողմից դրա հաստատումից հետո, կասեցնել միջուկային պատասխան գործողությունները և վերադառնալ ՀԳՀԾ-ի լիարժեք գործադրմանը:
Իրանի հարցով ԱՄՆ հատուկ ներկայացուցիչ Ռոբերտ Մալին խոստովանել է, որհակաիրանական առավելագույն ճնշման քաղաքականությունը ձախողվել է: Չնայած ԱՄՆ նոր նախագահ Ջո Բայդենը քննադատել է Իրանի նկատմամբ ԱՄՆ նախկին վարչակազմի քաղաքականությունը, սակայն նա հայտարարել է, որ համաձայնագրին վերադառնալու պայմանը Իրանի կողմից իր պարտավորությունների կիարժեք գործադրումն է: Նա խոստացել է, որ եթե Իրանը վերադառնա ՀԳՀԾ-ի լիակատար իրագործմանը, Վաշինգտոնը նույնպես կվերադառնա համաձայնություն:
4 + 1 խմբի եվրոպացի անդամները, որ հիմա իրենց դիրքորոշումները համաձայնեցնում են Բայդենի կառավարության հետ, նախկինում առաջարկել էին ոչ պաշտոնական հանդիպում անցկացնել ՀԳՀԾ-ի և ԱՄՆ-ի միջև: Թեհրանը չէր ընդունել առաջարկը:
Իրանը հայտարարել է, որ քանի դեռ ԱՄՆ-ը չի չեղարկել պատժամիջոցներն Իրանը չի մասնակցի Վաշինգտոնի ներկայությամբ որևէ նիստի»:
Իրանի հետ բանակցություններ սկսելու նպատակով ՀԳՀԾ-ի համատեղ հանձնաժողովի նիստին զուգահեռ Վիեննա ժամանելու ԱՄՆ փորձը ձախողվեց: