Հարյուրավոր իսրայելցի ավանաբնակներ բողոքի ցույց են անցկացրել անվտանգության ծանր իրավիճակի դեմ
Եբրայական աղբյուրները հաղորդել են,որ բռնագրավված Պաղեստինի հյուսիսում հարյուրավոր սիոնիստ ավանաբնակներ բողոքի ցույց են անցկացրել, Հեզբոլլահի հարձակումների վախից տարածաշրջանում սպասվող անվտանգության իրավիճակի դեմ։
Իսրայելի 12-րդ հեռուստաալիքի թղթակիցը հայտարարել է, որ Իսրայելի հյուսիսային շրջանի (օկուպացված Պաղեստին) ճանապարհները փակվել են Հեզբոլլահի հրթիռներից վախենալու պատճառով, և տարածաշրջանում անվտանգության միջավայրը փլուզվել է։
Ըստ հաղորդման՝ հյուսիսային ավանների պաշտոնյաներն ու բնակիչները չափազանց զայրացած են տարածաշրջանի անվտանգության իրավիճակի պատճառով, և անցկացված ցույցի մասնակիցները բողոքում են տարածաշրջանում տիրող անկայուն իրավիճակի դեմ։
Երեկ օկուպացված Պաղեստինի հյուսիսային ճակատում Սիոնիստական ռեժիմի դիրքերի դեմ Հեզբոլլահի հարձակումներին զուգահեռ, սիոնիստական լրատվամիջոցները հայտարարել են, որ այս ռեժիմի իշխանությունները որոշել են հյուսիսային մի շարք բնակավայրերում պարետային ժամ հայտարարել։
Սիոնիստական ռեժիմի իշխանությունները երկուշաբթի առավոտվանից արգելել են ավանաբնակների մուտքը սահմանից 3,5 կիլոմետր հեռավորության վրա, իսկ ավանների դարպասները փակվել են, և ավանաբնակները մինչև հետագա ծանուցում չեն կարող ոչ մուտք գործել, ոչ էլ դուրս գալ այնտեղից։
Իսրայելի 13-րդ հեռուստաալիքի թղթակիցը օկուպացված Պաղեստինի հյուսիսում հայտնել է նաև, որ ճանապարհների և հյուսիսային բնակավայրերի փակումը զայրացրել է ավանաբնակներին, և նրանք չափազանց դժգոհ են բանակի և կաբինետի գործունեությունից։
