Սեյեդ Հասան Նասրալլա. Ահաբեկչական խմբերը ստեղծվում են ԱՄՆ-ի ու Բրիտանիայի կողմից
Լիբանանի Հեզբոլլահի գլխավոր քարտուղարն ասել է, որ տարածաշրջանի ահաբեկչական խմբավորումները ստեղծվել ու աջակցվում են ամերիկյան և բրիտանական հետախուզական ծառայությունների կողմից։
ԻՌՆԱ-ի հաղորդմամբ՝ Սեյեդ Հասան Նասրալլահն ասել է․ «Ամերիկյան և բրիտանական հետախուզական ծառայությունները ձևավորել են ահաբեկչական խմբավորումներ՝ նպատակ ունենալով անարգել ջիհադի, նահատակության և Դիմադրության հետ կապված արժեքները»։
Լիբանանի Հեզբոլլահի գլխավոր քարտուղարը հավելել է. «2000 թվականից ի վեր Արևմուտքում մշակութային և մեդիա ոլորտում ջանքեր են սկսվել տարածաշրջանի Դիմադրությանը վնասելու համար, որի վառ օրինակն է «Ջիհադ ալ-Նիքահ» տերմինի կիրառումը, որի նպատակն է՝ մարդկանց հեռացնել Դիմադրությունից»։
Նա նշել է․ «Ղուրանի ուսմունքների համաձայն՝ Աստված մարդու համար երջանիկ կյանք է ցանկանում այս և հանդերձյալ աշխարհներում»։
