Ասադը Պուտինին հայտնել է երկրում հրադադարի հաստատմանն աջակցելու պատրաստակամության մասին
Ռուսաստանի նախագահ Վլադիմիր Պուտինի հետ ունեցած հեռախոսազրույցի ընթացքում Սիրիայի նախագահ Բաշշար Ասադը հայտարարել է երկրում հրադադարի հաստատմանն աջակցելու պատրաստակամության մասին։
Հեռախոսազրույցում ՌԴ և Սիրիայի նախագահները կրկին անգամ ընդգծել են ՄԱԿ-ի Անվտանգության խորհրդի ցանկում տեղ գտած ԻԼԻՊ-ի , «Ալ-Նոսրա» ճակատի և այլ խմբավորումների դեմ պայքարը շարունակելու անհրաժեշտությունը :
Ասադը Պուտինին վստահեցրել է հրադադարի ռեժիմը հարգելու Դամասկոսի կառավարության պատրաստակամության մասին :
ՌԴ նախագահը դրվատել է Սիրիայում թշնամանքներին վերջ դնելու մասին Ռուսաստանի և ԱՄՆ-ի վերջին հաղորդագրությունը ՝ այն Սիրիայի ճգնաժամի քաղաքական լուծման ուղղությամբ արված կարևոր քայլ որակելով :
Երկուշաբթի օրը Ռուսաստանը և ԱՄՆ-ը տեղեկացրել էին Սիրիայում հրադադարի ռեժիմի հաստատման նախագծի շուրջ համաձայնության կայացման մասին : Ըստ կայացած համաձայնության , հրադադարի ռեժիմն ուժի մեջ է մտնելու փետրվարի 27-ից: