Սիրիական հեռուստաալիքը հայտնել է, որ Իսրայելը հրթիռներ է արձակել Դամասկոսի արվարձանի ուղղությամբ
Դեկտեմբեր 02, 2017 12:44 Asia/Tehran
Սիրիական հակաօդային պաշտպանությունը կասեցրել է Իսրայելի արձակած հրթիռային հարվածը։ Այդ մասին, ինչպես հայտնում է «ՌԻԱ Նովոստի» գործակալությունը, հայտնել է սիրիական պետական Al-Ikhbariya հեռուստաալիքը։
Հեռուստաալիքի տվյալների համաձայն՝ այս գիշեր՝ տեղական ժամանակով 0.30-ին, իսրայելցի զինվորականները մի քանի «երկիր-երկիր» տիպի հրթիռ են արձակել Դամասկոսի արվարձաններից մեկի ուղղությամբ։ ՀՕՊ-ը կասեցրել է դրանք և ոչնչացրել երկու թիրախ, հայտնել է հեռուստաալիքը՝ ընդգծելով որ դիրքերին հասցվել է նյութական վնաս։
Հաղորդագրության մեջ միջադեպն անվանել են «անթաքույց հարձակում»։
Իսրայելի պաշտպանության բանակի մամուլի ծառայությունում հարվածի մասին լուրի մեկնաբանությունից հրաժարվել են։
