Ղազախստանում ձերբակալվել են հազարավոր ցուցարարներ
Ղազախստանի դատական ոլորտի մի պաշտոնյա հայտարարել է, որ նախագահական ընտրությունների դեմ անցկացված վերջին բողոքի ցույցերի ընթացքում, ձերբակալվել է 957 մարդ:
Ղազախստանի գլխավոր դատախազության սոցիալական ապահովության ծառայությունների ղեկավար Սափարիբեկ Նուրբիսովը, մամուլի ասուլիսում ասել է. «Անօրինական բողոքի ցույցերին մասնակցելու մեղադրանքով, հունիսի 9-10-ը կալանավորվել է 670 մարդ, 115-ը տուգանվել են, ևս 172-ը ստացել են նախազգուշացում»:
Նա հավելել է. «Չնայած Ղազախստանի գլխավոր դատախազությունը բազմիցս զգուշացրել է անօրինական ցույցերին չմասնակցելու կապակցությամբ, սակայն հունիսի 9-ին որոշ քաղաքացիներ դուրս են եկել փողոցներ՝ բողոքի ցույցերին մասնակցելու համար և նույնիսկ հարձակվել են ոստիկանների վրա»:
Ղազախստանի իշխանությունները հայտարարել են, որ հունիսի 9-ին կայացած ընտրությունների արդյունքներն օրինական են:
Հունիսի 9-ին Ղազախստանում կայացած նախագահական ընտրությունների արդյունքներով, շահելով ձայների 70 տոկոսն այդ երկրի նախագահ է ընտրվել Քասիմ Ժոմարտ Տոկաևը:
