ԵՄ-ն Թուրքիային հորդորել է զերծ մնալ Միջերկրական ծովում միակողմանի գործողություններից
ԵՄ արտաքին քաղաքականության պատասխանատուն Թուրքիային կոչ է արել զերծ մնալ Միջերկրական ծովում միակողմանի գործողություններ կատարելուց:
«Պայմանավորվածություն կա Անկարայի դեմ պատժամիջոցներ նախապատրաստելու մասին», - ուրբաթ օրը հայտարարել է Ջոզեֆ Բորելը՝ Գերմանիայի արտգործնախարար Հայկո Մաասի հետ համատեղ մամլո ասուլիսում, նշելով եվրոպացիների աճող հիասթափությունը Միջերկրական ծովում Թուրքիայի քայլերի նկատմամբ:
Գերմանիայի արտգործնախարարը եվրոպական երկրներին կոչ է արել ԵՄ հաջորդ գագաթնաժողովի ընթացքում քննարկել Թուրքիայի դեմ ավելի կոշտ քայլերի ձեռնարկման հարցը:
Միևնույն ժամանակ, Գերմանիայի կանցլեր Անգելա Մերկելը ուրբաթ օրը հայտարարել է, որ ԵՄ անդամ երկրները պարտավորվել են աջակցել Հունաստանին՝ արևելյան Միջերկրական ծովում Թուրքիայի դեմ պայքարում:
Թուրքիան իրեն իրավունք է վերապահում միջերկրածովյան տարածաշրջանում նավթի և գազի հետախուզման գործողություններ իրականացնել:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio