ԵՄ-ն մտահոգություն է հայտնել ԼՂ հակամարտության տարածքում հրադադարի ռեժիմի խախտման կապակցությամբ
ԵՄ արտաքին քաղաքականության ղեկավարը լուրջ մտահոգություն է հայտնել հայկական և ադրբեջանական ուժերի կողմից հրադադարի ռեժիմի խախտման և քաղաքացիական օբյեկտների վրա հարձակման կապակցությամբ:
«Քաղաքացիական թիրախների վրա հարձակման, ինչպես նաև տարածաշրջանում զոհերի մասին հաղորդագրությունները մտահոգիչ են», - ասել է ԵՄ արտաքին քաղաքականության պատասխանատու Ջոզեֆ Բորելը, որը ցավով է խոսել հրադադարի ռեժիմի խախտման մասին:
«Պայմանավորվածության համաձայն, Լեռնային Ղարաբաղում հրադադարի ռեժիմը կսկսվի հոկտեմբերի 10-ին ժամը 12:00-ից», - Մոսկվայի եռակողմ հանդիպումից հետո համատեղ հայտարարության մեջ հայտարարել էր ՌԴ արտգործնախարար Սերգեյ Լավրովը:
Հայաստանի և Ադրբեջանի արտաքին գործերի նախարարներն ուրբաթ օրը, Սերգեյ Լավրովի հյուրընկալմամբ, Մոսկվայում 10 ժամ տևած բանակցություններից հետո պայմանավորվեցին Լեռնային Ղարաբաղի տարածաշրջանում հրադադարի հաստատման շուրջ: Սակայն հրադադարի հաստատումից անմիջապես հետո, այն խախտվեց: Կողմերից յուրաքանչյուրը մյուսին մեղադրում է հրադադարի ռեժիմը խախտելու մեջ:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian