Եվրոպան ամերիկյան ապրանքների նկատմամբ պատժիչ սակագներ սահմանելու թույլտվություն է ստացել
Առևտրի համաշխարհային կազմակերպության կայացրած որոշմամբ՝ Եվրամիությունը թույլտվություն է ստացել չորս միլիարդ դոլար արժողությամբ ամերիկյան ապրանքների ներմուծման համար սակագներ սահմանել՝ Boeing ընկերությանը շնորհված պետական սուբսիդիայի դիմաց:
Ինչպես հաղորդում է Euronews- ը, Առևտրի համաշխարհային կազմակերպության վերջնական որոշումը,որ հետաձգվել էր Կորոնավիրուսի բռնկման պատճառով, պատասխան քայլ էր 7 միլիարդ 500 միլիոն դոլար արժողությամբ եվրոպական ապրանքների ներկրման համար ԱՄՆ-ի կողմից սակագների սահմանման դեմ Եվրամիության նախորդ տարվա բողոքին:
ԱՄՆ-ն բողոքելով Airbus- ին ուղղված պետական օգնության դեմ, այդ սակագինը սահմանել էր եվրոպական ապրանքների ներմուծման համար:
ԱՄՆ-ն և Եվրամիությունն արդեն 16 տարի է,որ իրավական պայքար են մղում Boeing- ի և Airbus- ի կառավարական սուբսիդիաների շուրջ:
Եվրամիությունը Boeing ընկերության արտադրանքի և մասերի ներմուծման համար սակագներ սահմանելուց բացի մտադիր է սահմանել ևս 4 միլիարդ դոլարի սակագին՝ ԱՄՆ հնարավոր գործողություններին դիմակայելու համար,ինչը ԱՄՆ ընտրությունների շեմին կարող է մեծացնել երկու կողմերի միջև առևտրային պատերազմի շրջանակը: