ԵՄ արձագանքն Իրանի կողմից լրացուցիչ արձանագրության իրագործման կասեցմանը
ԵՄ-ն հրապարակել է հայտարարություն՝ արձագանքելով Լրացուցիչ արձանագրությունների կամավոր գործադրումը դադարեցնելու Իրանի որոշմանը:
Հայտարարության մեջ միությունը ևս մեկ անգամ ընդգծել է իր հավատարմությունը ՀԳՀԾ-ին և նշել, որ ներկա կրիտիկական իրավիճակում անհրաժեշտ է աջակցել միջուկային համաձայնությանը:
ԵՄ-ի հայտարարության մեջ ընդգծվել է նաև ՀԳՀԾ-ն պահպանելու և դրա լիարժեք գործադրումն ապահովելու ուղղությամբ միջազգային հանրության հետ աշխատելու անհրաժեշտությունը:
Չնայած այն հանգամանքին, որ Իրանը բազմիցս նախազգուշացրել էր Եվրոեռյակին՝ ՀԳՀԾ-ով ստանձնած պարտավորությունների կատարման և պատժամիջոցները չեղարկելու կապակցությամբ, ԵՄ-ն այսօր «լուրջ անհանգստություն» է հայտնում Իրանի կողմից Լրացուցիչ արձանագրությունների կամավոր գործադրման կասեցման կապակցությամբ:
Միության տարածած հայտարարության մեջ ասված է. «Եթե այս որոշումը չչեղարկվի, այն կսահմանափակի ՄԱԳԱՏԷ-ի կողմից Իրանի միջուկային ծրագրի նկատմամբ վերահսկողությունը և ծրագրի խաղաղանպատակ բնույթը պահպանելու հնարավորությունը»:
Ըստ այս հայտարարության, ՄԱԳԱՏԷ-ն սահմանափակ հասանելիություն կունենա Իրանի հիմնական օբյեկտների վերաբերյալ տեղեկատվությանը և Իրանի միջուկային վառելիքի ցիկլի գործունեությանը վերաբերող տեղեկատվության զգալի մասին: