Ռուս դիվանագետ. ՀԳՀԾ-ի վերականգնման շուրջ բանակցությունները մտել են նախատեքստը կազմելու փուլ
Վիեննայում տեղակայված միջազգային կազմակերպություններում Ռուսաստանի դեսպանը և մշտական ներկայացուցիչն ասել է, որ Վիեննայում միջուկային գործարքի վերականգնման շուրջ բանակցությունները մտել են նախատեքստի մշակման փուլ:
Ֆարս գործակալության հաղորդման համաձայն, երկուշաբթի օրը միջազգային կազմակերպություններում Ռուսաստանի մշտական ներկայացուցիչ և դեսպան Միխայիլ Ուլյանովը Թվիթերի իր միկրոբլոգում գրել է, որ ՀԳՀԾ-ի վերականգնման համար գործնական միջոցների ձեռնարկման ճանապարհը երկար է լինելու:
Իրանի փոխարտգործնախարար և Վիեննայում իրանական պատվիրակության ղեկավար Աբբաս Արաղչին Թվիթերում գրել է. «Թվում է, թե նոր համաձայնություն է ձևավորվում, բոլորն ունեն ընդհանուր նպատակ, և առջևում գտնվող ուղին մի փոքր ավելի պարզ է: Մենք, կարծես, ճիշտ ուղու վրա ենք: Սակայն, առջևում դեռ դժվար ճանապարհ կա»:
ՀԳՀԾ-ի համատեղ հանձնաժողովի նիստը տեղի է ունեցել շաբաթ օրը՝ Ավստրիայի մայրաքաղաք Վիեննայում:
Հանդիպմանը մասնակցում էին ԵՄ փոխարտգործնախարար Էնրիկե Մորան և Իրանի, Ֆրանսիայի, Գերմանիայի, Բրիտանիայի, Չինաստանի և Ռուսաստանի ներկայացուցիչները:
