Պուտինը հրամանագիր է ստորագրել՝ Արևմուտքի դեմ տնտեսական պատժամիջոցներ կիրառելու մասին
Կրեմլը հայտարարել է, որ Ռուսաստանի նախագահ Վլադիմիր Պուտինը հրամանագիր է ստորագրել օտարերկրյա պետությունների և միջազգային կազմակերպությունների անբարյացակամ գործողությունների կապակցությամբ՝ պատասխան տնտեսական հատուկ միջոցներ կիրառելու մասին։
Կրեմլի խոսնակ Դմիտրի Պեսկովը երեքշաբթի օրն ասել է, որ Ռուսաստանի նախագահ Վլադիմիր Պուտինը գործադիր հրամանագիր է ստորագրել՝ կոչ անելով նախարարներին 10 օրվա ընթացքում պարզել այն անձանց ցուցակը, որոնց նկատմամբ կկիրառվեն պատասխան պատժամիջոցներ։
ՌԴ նախագահի հրամանագրով, մասնավորապես ռուս պաշտոնյաներին արգելվում է գործարքներ կատարել և պարտավորություններ իրականացնել այն օտարերկրյա ֆիզիկական և իրավաբանական անձանց նկատմամբ, որոնք ենթարկվել են պատասխան սահմանափակող միջոցների:
Բացի այդ, նոր հրամանագրով արգելվում է հումքի և արտադրանքի արտահանումը Ռուսաստանի Դաշնությունից՝ հօգուտ ՌԴ-ում պատժամիջոցների տակ գտնվող անձանց:
Պատասխան պատժամիջոցների ենթարկվող ընկերություններին և ֆիզիկական անձանց արգելվում է կատարել իրենց պարտավորությունները ընթացիկ գործարքների նկատմամբ, ինչպես նաև առաջխաղացնել ֆինանսական գործարքները: