Եվրոպացի դեսպանները բողոքել են Թել Ավիվի դեմ՝ պաղեստինյան 7 կառույցների գործունեությունն արգելելու համար
Եվրամիության և 16 այլ երկրների դեսպանները Սիոնիստական ռեժիմի արտաքին գործերի նախարարությանն ուղղված ուղերձում բողոքել են պաղեստինյան յոթ հասարակական կազմակերպությունների գործունեությունը արգելելու որոշման դեմ:
ԻՌՆԱ-ի հաղորդման համաձայն, Եվրամիության և 16 այլ երկրների դեսպանները ուղերձ են հղել Սիոնիստական ռեժիմի արտաքին գործերի նախարարությանը՝ մերժելով Իսրայելի ռեժիմի պնդումները, թե պաղեստինյան այս կազմակերպությունները ներգրավված են «ահաբեկչական գործունեության մեջ»:
Այս քայլն իրականացվել է ԿՀՎ-ի զեկույցի հրապարակումից հետո, որտեղ ասվում է, որ վերոհիշյալ իրավապաշտպան միավորումների անօրինական գործունեության մեջ ներգրավված լինելու ապացույցներ չկան։
Այս երկրների դեսպանները պարտավորվել են շարունակել աջակցել և ֆինանսավորել այդ ոչ կառավարական կազմակերպություններին, չնայած Սիոնիստական ռեժիմի հակազդեցությանը:
Ավելի վաղ Պաղեստինի ինքնավար վարչակազմը հայտարարել էր, որ Սիոնիստական ռեժիմի այս որոշումը հանցագործություն և բացահայտ ոտնձգություն է պաղեստինյան քաղաքացիական կազմակերպությունների և միջազգային իրավական համակարգի դեմ: