Մադուրոյի հաղթանակը և Վենեսուելայի ներքին գործերին ԱՄՆ միջամտության նոր փուլը
ԱՄՆ պետքարտուղար Էնթոնի Բլինքենն, այլ երկրների ներքին գործերին Վաշինգտոնի միջամտողական քաղաքականությանը համահունչ, հայտարարել է, որ Վենեսուելայի նախագահ Նիկոլաս Մադուրոն խաբեությամբ է հաղթել նախագահական ընտրություններում։
Հուլիսի 28-ին Վենեսուելայում անցկացված նախագահական ընտրություններում ձայների 51,2 տոկոսով հաղթել է Նիկոլաս Մադուրոն։
Արձագանքելով Մադուրոյի հաղթանակին, Էնթոնի Բլինքենը հայտարարել է․ «Առկա բազմաթիվ ապացույցների համաձայն՝ ԱՄՆ-ի և ամենակարևորը Վենեսուելայի ժողովրդի համար պարզ է, որ հուլիսի 28-ին կայացած նախագահական ընտրություններում հաղթել է Գոնսալեսը»։
Նշելով, որ ընդդիմադիր թեկնածու Գոնսալեսը ստացել է ձայների 80 տոկոսը, Բիլնքենը հավելել է․ «Ժամանակն է, որ Վենեսուելայի կառավարությունը և ընդդիմությունը երկխոսություն սկսեն իշխանության հարգալից և խաղաղ փոխանցման շուրջ՝ երկրի ընտրական օրենքին և ժողովրդի ցանկություններին համապատասխան»:
Միջազգային հանրության պահանջով, Վենեսուելայի Գերագույն դատարանն ուրբաթ օրը «ձայների ստուգման» նպատակով հետաքննության շրջանակում նախագահի բոլոր 10 թեկնածուներից պահանջել է ցուցմունք տալ ընտրական պալատում։
,Վենեսուելայի գործող նախագահ Նիկոլաս Մադուրոյի խնդրանքով, երկրի Գերագույն դատարանը պարտավորեցրել է նախագահի բոլոր թեկնածուներին ներկայացնել իրենց ձայները։
