Արժույթի միջազգային հիմնադրամը կոչ է արել պահպանել տնտեսական աճի տեմպերը
Արժույթի միջազգային հիմնադրամի տնօրենը պահանջել է ավելի ազդեցիկ քաղաքականություն որդեգրել աշխարհի տնտեսական աճը պահպանելու համար:
Xinhua լրատվական գործակալության փոխանցմամբ՝ կիրակի օրը, հաղորդագրություն տարածելով, Արժույթի միջազգային հիմնադրամի տնօրեն Քրիստիան Լագարդն ասել է.«Համաշխարհային համագործակցությունը և համադրված քաղաքականությունների կիրառումը կարող են ազդեցիկ լինել տնտեսական համատարած, կայուն և հավասարակշռված աճի պահպանման ուղղությամբ»:
Լագարդը հավաստիացրել է, որ աշխարհի տնտեսական աճը պահպանելու համար պետք է ազգային, տարածաշրջանային ու միջազգային մասշտաբով կիրառել հզոր բյուջետային, կառուցվածքային ու ֆինանսական քաղաքականություն:
Արժույթի միջազգային հիմնադրամի տնօրենը նշել է, որ հիմնադրամը պատրաստ է անհրաժեշտ խորհրդատվություն ներկայացնել համաշխարհային տնտեսական աճի զարգացման մասին և հարկ եղած դեպքում ֆինանսական աջակցություն ցուցաբերել: