Սոմալիում նախարարին գնդակահարել են` շփոթելով գրոհայինի հետ
Մայիս 04, 2017 10:35 Asia/Tehran
Սոմալիում անվտանգության աշխատակիցները գնդակահարել են երկրի հասարակական աշխատանքի և վերակառուցման հարցերով նախարար Աբբաս Աբդուլահիին` նրան իսլամիստ գրոհայինի տեղ դնելով, այս մասին հայտնում է բրիտանական Reuters գործակալությունը:
Ինչպես գրում է РИА Новости-ն, Վերահսկիչ պալատի նախագահի անվտանգության աշխատակիցները կրակ են բացել նախարարի ավտոմեքենայի վրա այն բանից հետո, երբ նախարարի մեքենան արգելափակել է երթևեկությունը:
Մոգադիշոյի քաղաքապետարանը տեղի ունեցածը «սխալմունք» է անվանել:
Նշենք, որ Սոմալիում գործում են իսլամիստների ահաբեկչական խմբավորումներ, որոնք պարբերաբար ահաբեկչական հարձակումներ են կազմակերպում, որոնց զոհ են գնում բազմաթիվ խաղաղ բնակիչներ:
Tert.am
