Վաշինգտոնը նոր շրջափակումներ սահմանեց Իրանի դեմ
ԱՄՆ-ի կառավարությունը շարունակելով ԻԻՀ-ի դեմ իր թշնամական քայլերը, շրջափակումներ սահմանեց Իրանի ու Չինաստանի 7 ֆիզիկական ու իրավաբանական անձանց դեմ:
ԻՌՆԱ-ի հաղորդման համաձայն` ԱՄՆ-ի գանձապահության նախարարությունը մի հաղորդագրությամբ հայտարարել է, որ չորեքշաբթի օրը շրջափակում է սահմանվել Իրանի պաշտպանության ոլորտի երկու պաշտոնյաների, իրանական մեկ ընկերության, ինչպես նաև Իրանի հրթիռային ծրագիրը հովանավորող Չինաստանում հաստատված մեկ ցանցի անդամների դեմ:
Իրանի դեմ նպատակուղղված այս շրջափակումները սահմանվեցին այն օրը, երբ ԱՄՆ նախագահ Դոնալդ Թրամփը հայտարարեց, որ Թեհրանի հետ միջուկային համաձայնագրի շրջանակներում շարունակելու է աչքաթող անել ԻԻՀ-ի դեմ շրջափակումների որոշ բաժնի գործադրումը, ինչն անհրաժեշտ է ՀԳՀԾ-ի գործընթացը շարունակվելու համար:
ԱՄՆ-ի սկանդալային նախագահ Դոնալդ Թրամփի պաշտոնավարության շրջանը սկսվելուց ի վեր, Վաշինգտոնն առավել թշնամական քաղաքականություններ է որդեգրել ԻԻՀ-ի դեմ:
Ամերիկացիները հայտարարում են, թե Իրանի հրթիռային փորձարկումները հակասում են ԱԽ-ի թիվ 2231 բանաձևին և դրանք ներառում են միջուկային մարտագլխիկներ կրելու կարողությամբ հրթիռներ:
Դա ի տես այն բանի, որ ԵՄ-ի արտաքին քաղաքականության պատասխանատուի խոսնակ Նաբիլա Մեսրալին ավելի վաղ հայտարարել է, որ Իրանի հրթիռային փորձարկումները չեն ոտնահարում ՀԳՀԾ-ն:
