Ռոհանին և Պուտինը հեռախոսազրույց են ունեցել
Ռուսաստանի նախագահ Վլադիմիր Պուտինի հետ ունեցած հեռախոսազրույցում ողջունելով Թեհրան-Մոսկվա հարաբերությունների ընդլայնումը, ԻԻՀ նախագահ Հասան Ռոհանին ասել է.«Գործադրման փուլում գտնվող նախագծերի իրականացումը, առավել քան երբևէ կամրապնդի երկու երկրների հարաբերությունները»:
Երկուշաբթի օրը Վլադիմիր Պուտինի հետ ունեցած հեռախոսազրույցի ժամանակ,անդրադառնալով Իրանի, Ռուսաստանի ու Ադրբեջանի նախագահների Թեհրանում կայանալիք հանդիպմանը , նախագահ Հասան Ռոհանին ասել է.«Իրանը մեծ կարևորություն է տալիս Ռուսաստանի հետ հարաբերություններին և Թեհրանի առաջիկա գագաթաժողովի օրակարգում ներառվելու են երեք երկրներին հուզող հարցեր»:
Անդրադառնալով Սիրիայի հարցում Իրանի ու Ռուսաստանի համատեղ դիրքորոշմանը, Ռոհանին հավելել է.«Ներկայումս աշխարհի հայացքն ուղղված է Ղազախստանի մայրաքաղաք Աստանայում Սիրիայի հարցով ընթացող բանակցություններին և Սիրիայում Իրանի ու Ռուսաստանի կառուցողական համագործակցությանը»:
Ընդգծելով տարածաշրջանում երկրների տարածքային ամբողջականության պահպանման և սահմանները չփոխվելու նշանակությունը, և անդրադառնալով Իրաքում ընթացող զարգացումներին, Իրանի նախագահն ասել է.«Իրաքի տարածքային ամբողջականության պահպանման անհրաժեշտությունը և տարածաշրջանի անվտանգությունը մեծ ու կենսական նշանակություն ունեն Իրանի համար: Տարածաշրջանի երկրների համադրումն այս հարցում շատ ազդեցիկ է լինելու». ասել է նա:
Այդ հեռախոսազրույցի ժամանակ ՌԴ նախագահ Վլադիմիր Պուտինը կրկին անգամ ընդգծել է Թեհրանի հետ հարաբերություններն ընդլայնելու Մոսկվայի վճառակամությունը:
Բարձր գնահատելով Սիրիայի հարցով Աստանայում անցկացված բանակցություններում Թեհրանի կառուցողական դիրքորոշումը, Պուտինն ասել է.«Սիրիայի հարցով այս երկու երկրի և Թուրքիայի համագործակցությունը կշարունակվի մինչև Սիրիայում խաղաղության հասատատումը և ահաբեկիչների վերացումը»: