ՄԱԿ-ը ցավ է հայտնել Մյանմայի ռոհինգյա մուսուլմանների վիճակի կապակցությամբ
ՄԱԿ-ը հայտարարել է, որ Մյանմայի Ռախին նահանգի ռոհինգյա մուսուլմանների կրած տառապանքներն աննկարագրելի են:
«Փրես Թի Վի»-ի հաղորդման համաձայն, երկուշաբթի օրը, երեք դիտորդների Մյանմայի Ռախին նահանգի Մաունգդաու և Ռաթդաունգ տարածքներ կատարած այցից հետո, ՄԱԿ-ն այդ երկրի կառավարությանը կոչ է արել վերջ տալ ռոհինգյա մուսուլմանների դեմ բռնությունների շղթային:
Կազմակերպությունը Մյանմայի իշխանություններից պահանջել է առավել հնարավորություններ ստեղծել Ռախինի մուսուլմանների համար:
Միօրյա այցի ընթացքում ՄԱԿ-ի դիտորդներին միացած ԵՄ-ի պատվիրակությունը մի հաղորդագրությամբ հայտարարել է, որ անհրաժեշտ պայմանների բացակայության պատճառով, հետաքննություն իրականացնելու հնարավորություն չի ունեցել:
ԵՄ ներկայացուցիչները հայտարարել են, որ այցի ժամանակ հանդիպել են այրված ու բնակչությունից դատարկված գյուղերի: «Բռնություններին վերջ պիտի տրվի». ասել են նրանք:
Ընդգծելով, որ Ռախին նահանգում ռոհինգյա մուսուլմաններն ունեն հումանիտար օժանդակություններին կարիք ԵՄ ներկայացուցիչները Միանմարի իշխանություններից պահանջել են ԶԼՄ-ների ներկայացուցիչներին թույլատրել այդ տարածքներ այցելել:
