ԱՄՆ-ի զինվորական պաշտոնյան հաստատել է, որ Վաշինգտոնն անկարող է կանխել Հյուսիսային Կորեայի հավանական հարձակումը
Հյուսիսային Կորեայի հրթիռային փորձարկումները վերահսկող ամերիկյան գաղտնի գործակալությունն առաջին անգամ բացահայտել է ԱՄՆ-ի դեմ Փխենյանի հավանական հարձակման ընթացքը:
«Սանդեյ Էքսպրես» բրիտանական օրաթերթը մի հաղորդման մեջ գրել է. «ԱՄՆ-ի ավիատիեզերային տեղեկությունների ազգային կենտրոնը ղեկավարող ավագ հրամանատար, գնդապետ Շոն Լարքինն ասել է, որ Փխենյանն ԱՄՆ-ի նահանգներից մեկին հարվածելու համար բավարար զենք ունի»:
Պատասխանելով այն հարցին, թե ԱՄՆ-ի նահանգներից մեկը կարող է ենթարկվել Հյուսիսային Կորեայի հարձակմանը, Լարքինն ասել է. «ԱՄՆ-ի 48 նահանգներ վտանգի տակ են գտնվում»:
«Եթե ամռանը փորձարկված Հյուսիսային Կորեայի հրթիռները ստանդարտ վիճակի բերվեն, կարող են կայծակնային հարձակման ենթարկել Կալիֆորնիա նահանգը»,-հայտարարել է գնդապետ Լարքինը:
ԱՄՆ նախագահ Դոնալդ Թրամփի ռազմամոլ հայտարարություններից հետո, ԱՄՆ-ի ու Հյուսիսային Կորեայի միջև լարվածությունն առավել սրվել է:
Թրամփն անցած ամիս ՄԱԿ-ի ԳԱ-ի նստաշրջանում ունեցած ելույթի ժամանակ Հյուսիսային Կորեային լիարժեք ոչնչացմամբ սպառնաց:
Պաշտոնական Փխենյանը հայտարարել է, որ քանի դեռ ԱՄՆ-ն ու նրա դաշնակիցները կշարունակեն Հյուսիսային Կորեայի դեմ սպառնալիքներն, այդ երկիրը կշարունակի ամրապնդել իր պաշտպանական կարողությունները: