Պուտինն ու Ասադը ընդգծել են Սիրիայում քաղաքական գործընթաց սկսելու անհրաժեշտությունը
Սիրիայի և Ռուսաստանի նախագահներն ընդգծել են Սիրիայում քաղաքական գործընթաց սկսելու անհրաժեշտությունը:
Կրեմլը հաղորդագրություն տարածելով, տեղեկացրել է Սոչիում Վլադիմիր Պուտինի և Բաշշար Ասադի հանդիպման մասին:
Ահաբեկչության դեմ պայքարում Սիրիայի բանակի հաղթանակի կապակցությամբ Ասադին շնորհավորելով, Պուտինն ասել է.«Սիրիայի ճգնաժամի կարգավորման համար Ռուսաստանը կապի մեջ է Իրաքի, ԱՄՆ-ի, Եգիպտոսի, Սաուդյան Արաբիայի և Հորդանանի հետ»:
ՌԴ նախագահն ասել է.«Ահաբեկչության դեմ պայքարն ավարտվելուց հետո, քաղաքական խաղաղ ճանապարհով պետք է կարգավորել ճգնաժամը»:
Պուտինը նշել է, որ Աստանայի բանակցությունները ճանապարհ են հարթում սիրիացի ընդդիմադիրների հետ բանակցելու համար:
Վլադիմիր Պուտինը կարևորել է ՄԱԿ-ի մասնակցությունը Սիրիայի ճգնաժամի կարգավորման և այդ երկրում խաղաղության հաստատման գործընթացը:
Հանդիպման ժամանակ Ասադը բարձր գնահատելով Ռուսաստանի կսղմից Դամասկոսին ցուցաբերած քաղաքական ու ռազմական հովանավորությունների կապակցությամբ, ասել է.«Սիրիական խմբավորումների միջև բանակցություններում այլ երկրների չմիջամտելը երաշխավորելու նպատակով, Սիրիան ունի Ռուսաստանի աջակցության կարիքը»: