ԱՄՆ-ն ձախողեց Հյուսիսային Կորեայի դեմ միաձայնության առաջացման հարցում
Ֆրանսիական լրատվամիջոցի հաղորդման համաձայն՝ ԱԽ-ում Հյուսիսային Կորեայի դեմ միաձայնություն ստեղծելու ուղղությամբ ԱՄՆ-ի ջանքերը ձախողել են:
«Ֆրանս Պրես»-ը Նյու Յորքում գտնվող ՄԱԿ-ի կենտրոնավայրից հաղորդել է, որ ՄԱԿ-ում ԱՄՆ ներկայացուցիչ Նիքի Հեյլին հինգշաբթի օրը գումարված ԱԽ-ի նիստում մյուս երկրներին կոչ է արել խզել Փխենյանի հետ բոլոր հարաբերությունները, ինչը մերժվել է Ռուսաստանի և Չինաստանի կողմից:
«Պեկինը նաև հրաժարվել է Հյուսիսային Կորեային նավթային շրջափակման ենթարկելու շուրջ քննարկմանը մասնակցելուց»,-հավելել է «Ֆրանս Պրես»-ը:
Համաձայն այս հաղորդման, Հյուսիսային Կորեայի հրթիռային նոր փորձարկման քննարկման նպատակով գումարված ՄԱԿ-ի ԱԽ-ի նիստն ավարտվել է առանց որոշակի արդյունքի հանգելու:
Հյուսիսային Կորեան չորեքշաբթի օրը հայտարարեց, որ հաջողությամբ փորձարկել է միջմայրցամաքային բալիստիկ մի հրթիռ, որը կարող է հարվածել ԱՄՆ-ի ամբողջ տարածքում գտնվող թիրախները:
