Եվրոպացի և արաբ նախարարներն ընդգծել են Ղոդսի վերաբերյալ Թրամփի որոշման վտանգավոր հետևանքները
Բրյուսելում արաբ նախարարների պատվիրակությունն ԱՄՆ-ի դեսպանատունը Թել Ավիվից Ղոդս տեղափոխվելու հարցով հանդիպել է եվրոպացի նախարարների հետ:
Ինչպես տեղեկացնում է Պաղեստինի տեղեկատվական կենտրոնը, արաբական պատվիրակությունը ներկայացնում են Արաբական Պետությունների Լիգայի (ԱՊԼ) գլխավոր քարտուղար Ահմադ Աբուլղեյզը և Հորդանանի, Պաղեստինի, Արաբիայի, Եգիպտոսի, Մարոկկոյի ու Էմիրությունների ԱԳ նախարարները: Նրանք երկուշաբթի օրը Բրյուսելում հանդիպել են իրենց եվրոպացի գործընկերների և Եվրամիության արտաքին քաղաքականության հարցերով հանձնակատար Ֆեդերիկա Մոգերինիի հետ: Հանդիպման թեման եղել է Ղոդսի վերաբերյալ ԱՄՆ նախագահ Դոնալդ Թրամփի վերջերս կայացրած որոշումը:
Արաբ և եվրոպացի նախարարներն այդ նիստում վտանգավոր են բնութագրել Ղոդսի վերաբերյալ Թրամփի ընդունած որոշումների հետևանքները:
Արաբական երկրների ԱԳ նախարարների պատվիրակությունը Եվրոպական երկրներին կոչ է արել ճնշում բանեցնել ԱՄՆ-ի կառավարության վրա որպեսզի առաջիկայում իր ներկայացնելիք փոխզիջման նախագիծը լինի միջազգային բանաձևերի ու փոխզիջման վերաբերյալ համաձայնության սկզբունքների շրջանակում: